Աշուն է, ու ես մտածում եմ չթրջվելու մասին…
Տաք թեյ եմ ուզում: Չէ, ավելի լավ է տաք շոկոլադ լինի` իմ սիրած կոնֆետներով: Մեկ էլ` մի քիչ անձրև թող գա, բայց միայն իմ պատուհանից դուրս: Այսօր «չոր» եմ ուզում մնալ…Այսօր աշունն եմ ուզում վայելել`պատշգամբին նստած կամ կանգնած, պատուհանին հենված կամ պատուհանից դուրս նայելիս, մի բաժակ տաք շոկոլադով ու միայնակ..
Մարդկանց մեջ միայնակ լինել ու միայնակ մարդկանցով շրջապատված…ու մարդկանց հետ լինել, բայց և չլինել միաժամանակ: Լինել միայնակ միշտ և ամենուր`մի բաժակ տաք շոկոլադով, աղմկոտ անձրևներին պատշգամբին հենված կամ պատուհանից դուրս նայելիս…Այսօր աշունն եմ ուզում վայելել…
Աշուն է, ու ես մտածում եմ չթրջվելու մասին….
Like this:
Like Loading...
Կարծիքներ