Տոթ է…
Posted by on June 3, 2010
Քո սենյակում տոթ է, խեղդվելու չափ տոթ: Դրսում փոթորիկ է, իսկ քո պատուհանից այն կողմ մի փոքրիկ զեփյուռ էլ չի խաղում: Քո սենյակի իրերը հանգիստ շպրտված են այս ու այն կողմ, քո թղթերը ցրված են ոտքերիդ տակ, որովհետև քամի չկա , որ դու վախենաս իրերիդ համար….Տոթ է այնքան, որ պատուհանիցդ կախված թափանցիկ վարագույրն անգամ չի շարժվում, այլ մի կետի վրա մեխվել մնացել է ու լուռ սպասում է, որ մի օր մեկի ձեռքը նրան կուղղի, կբերի իր նախկին գեղեցիկ տեսքին: Բայց քո սենյակի տոթից դու էլ մեխվել մնացել ես մի կետում, անշարժ կանգնել ես ու չես էլ մտածում բացել պատուհանդ, որ քամու մեղմ ալիքները լցվեն քո սենյակ, որ քո իրերն ազատ սավառնեն օդում, գուցե նաև` թռչեն պատուհանիցդ դուրս, որ փրկվեն սենյակիդ անշարժ օդից: Իսկ այդ օդը վաղուց մահացել է, որովհետև սենյակումդ սարսափելի տոթ է…Տոթ է այնքան, որ չես էլ ուզում բացել պատուհանդ, որովհետև վախենում ես, որ ներխուժած թարմ օդից կխելագարվես…Կխելագարվես այնպես, ինչպես որ ես եմ խելագարվում քո սենյակի մահացած օդից… Քո սենյակում տոթ է, խեղդվելու չափ տոթ:
2 Responses to Տոթ է…
Leave a Reply
Թանաքոտ օրագրիս էջերից
Հեղինակային իրավունք
Shushan Shatikyan’s blog at http://shatikyan.wordpress.com/ and all of its textual contents by Shushan Shatikyan is licensed under a Creative Commons Attribution-NonCommercial-NoDerivs 3.0 Unported License
Եվ տոթից թմբիրի մեջ խորասուզված ուղեղում տրոփում է լոկ մի միտք… Անուրջ ավելի ճիշտ… Թարմ օդի անուրջը… Թարմ օդը սակայն թարմ օդ է, որքան ցանկալի, այնքան անմատչելի, որքան անհրաժեշտ, այնքան անհասանելի: Նա նման է հպարտ գեղեցկուհու, որը կարող է սիրել մեծ սիրով և նվիրվել անմնացորդ, սակայն երբեք առաջինը չի ակնարկի դրա մասին: Ոչ, թարմ օդը չի գա, նա կմնա դրսում, նա կհետևի քեզ այնտեղից, կխնդրի, կաղերսի հոգու հորքում, որ ներս հրավիրես իրեն, ակնարկես գոնե… Ու ինքը կգա, կգա իր միջերկրյածովյան թարմությամբ, կբերի իր հետ անծայրածիր ծովի անծանոթ ու կախարդական բույրը ու կգուրգուրի քեզ իր երկար ամբարված քնքշությամբ… Բայց դու միայն անրջում ես.. Շոգ է քեզ մոտ, շատ շոգ: Եվ նա մեխել է քեզ այդտեղ, առել իր զազրելի գիրկը ու թողել անուրջներում… Թարմ օդը քո կողքին է, մի կողմ քաշիր միայն վարագույրը: Մի սպասիր նրա գալուստին… Նա չի գա, նա նման է հպարտ գեղեցկուհու..
SS En SUPER!!!!!